بلوچانی ديپلوماسی چہ حدءَ گيش نزورانت. بلوچ چہ وتی چپ ءُ چاگردانی تضاداں پہ شریءَ بهرنه زرتگ ءُ انگت نزورگ انت. بلوچستان پرانت چہ مادنیاتءَ. چہ یک نیمگے گوں زرءَ همگرنچ انت ءُ چہ دگہ نیمگے بازیں ملکانی درمیانءَ جاگہ ئی کتگ
.
اگاں بلوچ یک تیز ءُ بروکیں ديپلوماسيءِ واهند بوتين انت، نزوریں سیاسی مچی اش کہ انگت گوں ظالمیں پنجاپی حکومتءَ زان پہ زان انت، پہ وت اش کتگ ات انت۔ چہ واجہ اسلم رئیسانی، زرداریءُ کش ءُ گورءِ واک ءُ طاقت اش پہ وتی سیاستانی دیما برگا، کار گپتگ ات۔ زانتکارمہ شموشنت کہ برے برے چہ دشمنءِ امکانات هم پہ وتی مکسدءِ ديما برگا سوبیں بوت کن انت۔ ءُ چہ درستان گیش، بلوچستانءِ سياسی جهدکارانی تاوانش کم ءُ کمترکتگت انت.
هرروچ، بلوچ ورنا ءُ وانوکءُ سياسی سروکءُ رهدربرچہ بلوچستانءِ کنڈ کنڈءَ آوارجنگ ءُ گوں زورءُ زيادتيءَ کشگ ءُ دورديگ بنت. اے سیاسی سروکانی ذمہ داری انت کہ بلوچانءَ رهشونی کن انت کہ چہ پیما اے تاوانانءَ پہ جہل تریں حدءَ برسیں انت ءُ مئے سروک تاں اے وھدءَ اے پڑءِ تها هم نزوربوتگ انت.
امريکا، روس، چين ءُ بازیں دگہ ملکانی چم پہ اداں سک انت۔ گجر ءُ پنجاپی، هونواریں رسترانی پیما بلوچستانءِ سرا کپتگ انت ءُ بيد چہ اش کہ مئے مال ءَ مڈی ءَ هول کنگ ءُ پہ وتا برگ انت، روچے در نہ کپیت کہ چنت نوگلیں ورنایانی لاش بلوچ راجءَ ٹیکی دیگ مہ بیت۔
اوگانستانءُ ايران، پاکستان ءُ اوگانستان، ايران ءُ پاکستان، امريکا ءُ ايران، ءُ مرچاں امریکا ءُ آهانی کوھنیں
کاسگ چٹ، پاکستان۔ اے درستاں گوں یک دگرءَ ناوش انت ءُ بلوچ سياسی سروک ءُ رهدربرانی سرا انت کہ چہ اے ناوشیاں پہ وتا ھمے ھنوگاں راھے شوھاز کن انت کہ باندات دیرانت۔
ھشکیں سیاست، بلوچءَ پہ آپسرے نرسیں ایت۔ زانتکارانی ذمہ داری انت کہ پہ راجی جہدءِ کاميابيءَ مادنيں راہے شوھاز کں انت ءُ جدءُ جهدے تاواں ءُ نزوری يانءَ کم کں انت۔ مرچیگیں جاورانی تہا، گوشگ نہ لوٹ ایت کہ بلوچ پہ سوشلزم یا پہ نیکراہءِ بالادستيءَ چنءُ لانچ انت. بلوچ پہ بلوچستانءِ آزاتيءَ جہد کنگا انت ءُ اے درستانی سرا انت کہ ھوربہ بنت۔ ملا بہ بیت یا کہ دھکاں ءُ....
رودراتکی بلوچستانءِ سياسی گلءُ مچی يانی لیڈرءُ سروکان چوش کہ واجہ اخترمینگل، واجہ خیربیارمری، واجہ براھمدغ بگٹی، واجہ ڈاکٹراللہ نظرءُ آدگہ۔۔۔ سراں ھوش کن انت ءُ شريءَ بزان انت کہ بلوچستانءِ جیڑہءِ گيشينگ گوں ھچ یک گلےءَ بوت نہ کنت۔ اے باردرستانی کوپگانی سرا ایرانت۔ بیا ات وتی زاتی کستءُ کينگاں، زمینءِ چيرا کل کنت ءُ یکدل ءُ يکجاه پہ ملک ءُ راجءِ آجوئيءَ روان بہ بیت۔
تچکیں گپےءُ بلکں گوشگءِ ضرورتی هم مہ بیت کہ مرچیگیں کارءَ پہ باندات ایرکنگ زانتکاریءِ نہ انت۔ اے جاورکہ مرچی مئے کشءُ گوراں ھست انت، بلکں باندات مہ بنت۔ شما را مرچی اے کارکنگی انت۔ یک یکا، ھچکسءِ گپ کوشدارگ نہ بیت۔ دنیاءَ پيش بدارت کہ بلوچ ھورءُ تپاک انت ءُ آزاتیں بلوچستانءَ داشت کنت.
بلوچستانءِ مسئلہ تاں کہ چہ مئے وتی ھند ءُ دمگءَ درمہ کپیت ءُ عالمی مہ بیت، مئے شانس پہ آزاتيءِ رسگءَ بازکم انت. هما پيم کہ بلوچستانءِ تها جنگ جاری انت، درچہ بلوچستانءَ هم جہد کنگ لوٹیت۔ مارا دنیاءَ پيشدارگی انت کہ مۓ سرا ظلم ءُ زيادتی بیگا انت ءُ آجوئيءِ حقداریں، تاں کہ دل اش موم بہ ترایت ءُ مۓ راجءِ سرا بزگ ورانت ءُ گدارانی پشت پناهيءَ مہ کں انت۔
پہ اے کارانی آسرکنگا، یک ھوریں کمیٹيءِ ضرورت انت کہ سجئیں بلوچستانءِ سياسی گلانی نمائندگيءَ بکنت کہ پہ وتی راج ءُ ملکءِ وشحاليءَ جهدا انت. کمیٹيءِ کہ دنیاءَ پيش بداريت کہ بلوچ آزاتيءِ قابل انت ءُ چہ ھچ وڑیں کمکےءَ چک ءُ پد مہ بنت۔
امیت پہ چوشیں روچے
کمال بلوچ2011-10-02
کاسگ چٹ، پاکستان۔ اے درستاں گوں یک دگرءَ ناوش انت ءُ بلوچ سياسی سروک ءُ رهدربرانی سرا انت کہ چہ اے ناوشیاں پہ وتا ھمے ھنوگاں راھے شوھاز کن انت کہ باندات دیرانت۔
ھشکیں سیاست، بلوچءَ پہ آپسرے نرسیں ایت۔ زانتکارانی ذمہ داری انت کہ پہ راجی جہدءِ کاميابيءَ مادنيں راہے شوھاز کں انت ءُ جدءُ جهدے تاواں ءُ نزوری يانءَ کم کں انت۔ مرچیگیں جاورانی تہا، گوشگ نہ لوٹ ایت کہ بلوچ پہ سوشلزم یا پہ نیکراہءِ بالادستيءَ چنءُ لانچ انت. بلوچ پہ بلوچستانءِ آزاتيءَ جہد کنگا انت ءُ اے درستانی سرا انت کہ ھوربہ بنت۔ ملا بہ بیت یا کہ دھکاں ءُ....
رودراتکی بلوچستانءِ سياسی گلءُ مچی يانی لیڈرءُ سروکان چوش کہ واجہ اخترمینگل، واجہ خیربیارمری، واجہ براھمدغ بگٹی، واجہ ڈاکٹراللہ نظرءُ آدگہ۔۔۔ سراں ھوش کن انت ءُ شريءَ بزان انت کہ بلوچستانءِ جیڑہءِ گيشينگ گوں ھچ یک گلےءَ بوت نہ کنت۔ اے باردرستانی کوپگانی سرا ایرانت۔ بیا ات وتی زاتی کستءُ کينگاں، زمینءِ چيرا کل کنت ءُ یکدل ءُ يکجاه پہ ملک ءُ راجءِ آجوئيءَ روان بہ بیت۔
تچکیں گپےءُ بلکں گوشگءِ ضرورتی هم مہ بیت کہ مرچیگیں کارءَ پہ باندات ایرکنگ زانتکاریءِ نہ انت۔ اے جاورکہ مرچی مئے کشءُ گوراں ھست انت، بلکں باندات مہ بنت۔ شما را مرچی اے کارکنگی انت۔ یک یکا، ھچکسءِ گپ کوشدارگ نہ بیت۔ دنیاءَ پيش بدارت کہ بلوچ ھورءُ تپاک انت ءُ آزاتیں بلوچستانءَ داشت کنت.
بلوچستانءِ مسئلہ تاں کہ چہ مئے وتی ھند ءُ دمگءَ درمہ کپیت ءُ عالمی مہ بیت، مئے شانس پہ آزاتيءِ رسگءَ بازکم انت. هما پيم کہ بلوچستانءِ تها جنگ جاری انت، درچہ بلوچستانءَ هم جہد کنگ لوٹیت۔ مارا دنیاءَ پيشدارگی انت کہ مۓ سرا ظلم ءُ زيادتی بیگا انت ءُ آجوئيءِ حقداریں، تاں کہ دل اش موم بہ ترایت ءُ مۓ راجءِ سرا بزگ ورانت ءُ گدارانی پشت پناهيءَ مہ کں انت۔
پہ اے کارانی آسرکنگا، یک ھوریں کمیٹيءِ ضرورت انت کہ سجئیں بلوچستانءِ سياسی گلانی نمائندگيءَ بکنت کہ پہ وتی راج ءُ ملکءِ وشحاليءَ جهدا انت. کمیٹيءِ کہ دنیاءَ پيش بداريت کہ بلوچ آزاتيءِ قابل انت ءُ چہ ھچ وڑیں کمکےءَ چک ءُ پد مہ بنت۔
امیت پہ چوشیں روچے
کمال بلوچ2011-10-02
هیچ نظری موجود نیست:
ارسال یک نظر
نظرتان در مورد این مطلب بنویسید