زُلــم ءُ زوراکــیءِ پَــجّــار .

ادَبــی هـکـیـم 

اِے چـیـریـں گـپـے نَـے اِنـت زُلـم ءُ زوراکـیءِ هُـگـم یَـک کـُـشـوکـیـں نادراهـی یـے کـہ لَهـتـے چـہ راجـانءَ مـاں آیـانـی راجـدپـتَـرءِ وَهـدءُ زَمـانَگءَ گِـرایـت

 

زُلـم ءُ زوراکـی سـیـاسـتءِ سِـلـتـریـں رَهـبَـنـداَنـت انـسـانءَ بـاز نُـکـس دَےاَنـت ، راجـےءَ بَـهـر بَـهـر ءُ ڈیـہےءَ چـُنـڈ چَـنـڈ کـن اَنـت ، زُلـم ءُ زوراکـی چـہ مُـلـکءِ راجـکـمـاشءُ آئـیءِ لَـهـتـے بـراهُـنـدَگ پـہ وَتـی واهـش ءِ مُـراد ءُ واهَـگءَ بُـنـگـیـج کـن اَنـت رَنـدا کـمّ کـمّءَ آ آس راجءِ آجـوئـی ءُ شـرپءُ ازّتءَ بُـن دَےاَنـت ، زُلـمءُ زوراکـیءِ مُـلـکـانـی راج وَتـی زنـدءَ مُـدام مـاں تُـرس ءُ گـَـم ءُ شـومـانـیءَ گـُـوازیـن اَنـت ، زُلـم ءُ زوراکـی راجـی زور ءُ هـمّـتءَ گـار کـن اَنـت آ راج پُـشـتءَ پَـشـت کـپ ایـت ، آیـانـی مُـلـک دیـمـرَوی نـہ کـنـت . آ راج کـہ زُلـمءُ زوراکـیءِ زورءِ چـیـرا بـہ بـیـت آ راج پَـهـک بـے هـوسـت ءُ نـازانـت بـیـت ، آ راجءِ تـهـا جـاهـلـیءِ نـادراهـی جـاه جَـنـت ، آئـیءِ زنـد یـک اَزمـانـکـے بـیـت ، نـاباوَریـں هَـیـال مـاں آئـیءِ دلءَ جـاه جَـن اَنـت چـہ زنـدءِ سَـکـّی ءُ سـوری پُـشـتءَ کِـنـزایـت ، رَنـدا گـرانـهـادیـں زنـدءِ کـدرءَ نـہ زانـت پـہ وَت یَـک آسـانـیـں مَـرگے پَـسُـنـد کـنـت ، زلـم ءُ زوراکـی ءِ هُـگـم بـازاَنـت سَـرجَـمـیـں راجےءِ هَـکّ گـار بـیـت ، راجـےءِ اُمـیـت ءُ واهَـگءَ کـُـش اَنــت ، راجءَ یَـک مُـرتَـگـیـں لاشـے کـن اَنــت ، آئـی ءِ ڈوُنـڈءَ شـیـرءُ گـُـرک درّاَنـت ءُ دَور دَے اَنـت رَنـدا ڈالءُ گـُـوَراگ آئـیءِ هَـڈاں چـونـڈاَنـت ءُ وَراَنـت.